Ginluthang sang tricycle driver ang isa ka lalaki kasunod sa nagluntad nga away sa dalan sa Brgy Mansilingan, ciudad sang Bacolod, kagab-i.
Sa interview sang Bombo Radyo kay Alyas ‘Ivan’, tricycle driver nga nakawitness sa natabo, nagabyahe ang duha ka lalaki sakay sa motorsiklo samtang nagasunod ang tricycle nga ginamaneho sang lalaki sakay ang gina-alegar nga asawa sini.
May nagluntad nga away sa tunga sang duha ka bahin kag hinali lang gintiro sang tricycle driver ang backrider sang motorsiklo.
Suno kay Alyas ‘Ivan’, duha ka lupok ang nabatian kag gilayon nagpalagyo ang tricycle driver samtang ang sakay naman sa motorsiklo ang gindala sa malapit nga ospital.
adayon sa karun ang imbestigasyon sang Bacolod Police Station 7 angot sa insidente.
Sa interview sang Bombo Radyo Bacolod kay Police Captain Dax Santillan, station commander sang Police Station 7, gina-alegar nga nagsag-idanay ang motorsiklo kag tricycle.
Suno diri, nagpahigad ang mga ini kag didto na nagluntad ang pagbinaisay kag pagpangluthang.
Nag-agom san igo sa paa kag hawak ang backrider sang motorsiklo nga sa karun yara na sa estable nga kondisyon.
