Mapatigayon sang evaluation ang pamunuan sang Ayala Mall Capitol Central agud madiskusyunan ang mga bagay nga sarang ligwaton agud nga malikawan ang insidente pareho sang natabo nga pagsuicide sang isa ka lalaki sang Martes sang hapon.
Madumduman nga naglumpat ang lalaki nagikan sa 4th floor sang mall nga nagresulta sa iya gilayon nga kamatayon.
Santo sa suicide note nga nakuha sa bulsa sang biktima, problema sa pamilya ang nagtulod sa iya nga utason ang kabuhi.
Ang lalaki ang nagsaka sa lamesa sa One-Stop-Shop sang ciudad antes ini naglumpat sa crystal.
Sa interview sang Bombo Radyo kay Stephanie Soriano, marketing manager sang nasambit nga mall, napadangat na nila sa higher management sang mall ang mga concerns kaangay sang assistance nga mahimo ihatag sang kompanya sa biktima.
Ginpahayag man sini nga indi man sila makahatag sang mga impormasyon angot sa update sang nagsuicide bangud ginauyatan na ini sang police.
Suno diri, wala man sila nagkulang sa pagdrill agud nga malikawan ang mga insidente kaangay lamang sa tion nga may linog magluwas na lamang sa insidente nga natabo sang tinalikdan nga Martes.
Posible man suno kay Soriano nga pataasan ang mga baral sa mall agud indi na malakaran sang tawo.
Sa karun, naka full alert ang mga security guards sang mall.
