Ginahulat pa sang mga kapulisan sang Bacolod City Police Station 1 ang resulta sang autopsy report sang babaye nga nasapwan nga wala na sang kabuhi sang Sabado sang udto, Agosto 20, sa 3rd Floor sang Cineplex Building, Araneta Street, Bacolod City agud mahibaluan ang gintunaan sang kamatayon sini.
Ginalantaw sang mga otoridad nga naghikog ang biktima nga si Rochelle Anne Rosal, 18 anyos, residente sang Brgy. 3, Bacolod City matapos nga nakakita sang blade sa crime scene.
Madumduman nga sang Sabado sang udto may nabaton nga impormasyon ang Bacolod Police Station 1 nga may nasapwan nga bangkay sa 3rd floor sang nasambit nga building.
Siya ang nasapwan sang security guard sang Cineplex Building ang biktima nga nagahigda sa sang ini ang naglibot.
Una na nga ginpahayag ni Police Major Ramel Sarona, station commander sang Police Station 1, ginpost sang pamilya sa social media ang biktima bangud wala na ini nakapuli matapos nga nagpadulong sa eskwelahan.
Gintawgan man nila ang contact number agud iverify kun matuod ang natabo kag positibo nga gintumod sang amay ang biktima.
Sa karun wala pa matumod sang mga otoridad ang rason nga nakalab-ot ang biktima sa crime scene.
