Balik prisuhan ang isa ka babayi matapos nga liwat madakpan sa ginpatigayon nga drug buy-bust operation sa Blk 17, Lot 56, Prk Kabugwason, Brgy Mansilingan, Bacolod City kaina sang hapon.
Sa police report ang subject person ang napriso na sadto bangud sa pareho nga kaso apang nakagwa temporaryo matapos nga naka-avail sang plea bargaining.
Ginkilala ang nadakpan kay Alyas Jepay, 30 anyos, single kag residente sang Prk Kabugwason, Brgy Mansilingan Bacolod City.
Ang buybust operation ang ginpatigayon sang mga personnel sang Bacolod City Police Station 7 nga ginpangunahan ni Police Captain Dax Santillan kaupond ang Regional Investigation Unit-Negros Island Region nga ginpangunahan ni Police Major Noel Caballes.
Nakuha sa paghinakop sini ang pito ka sachets sang suspected shabu kag narecover man ang isa ka sachet sang suspected shabu bilang buy bust item.
Ginabanta nagabug-at sang 30 grams ang nakumpiskar nga illegal nga druga kag nagabalor sang P204,000.00.
Ang subject person ang nakahunong na sa Bacolod City Police Station 7 kag magapangatubang sang kaso nga paglapas sa sec. 5 kag 11 sang RA 9165 ukon Comprehensive Dangerous Drugs Act of 2002.
