Arestado ang duha ka mga persona sa separado nga buybust operations sa ciudad sang Bacolod kahapon.
Alas-4:00 kahapon sang hapon sang naaresto sang Police Station 4 ang suspetsado nga si Albert Taroballes, 27-anyos, kag kasado sang Palochina St. Capitol Heights Phase 2, Brgy. Villamonte.
Si Taroballes ang naaresto sa Balayong St., Capitol Heights Phase 2, Brgy. Villamonte kun sa diin nakuha sa paghinakop sini ang isa ka sachet sang suspected shabu kabylo sang 500 pesos nga buybust money.
Dugang pa nga nakuha sa paghinakop ni Taroballes ang isa ka tooter kag P400 nga ginapatihan kita sa pagbaligya sang iligal nga druga.
Alas-4:30 naman sang hapon sang naaresto man sa operasyon sang Police Station 2 ang subject sang buybust nga si Ana Monica Sayon sa Purok Kagaykay, Brgy. 2.
Nakuha sa paghinakop ni Sayon ang isa ka elongated plastic sachet sang suspected shabu kag P500 nga buybust money.
Dugang man nga nakuha sa paghinakop sini ang 8 ka sachet sang suspected shabu nga nagabug-at sang .5 grams kag ginabanta nagabalor sang P4,500.
