Masami naton mabatian nga kun palangga mo, batunon mo ang tanan nga imperfections sini.
Apang may ara man sang wala nagtuman sini bangud 40 ka adlaw pa lamang sang ini ang ginkasal sa iya nga bana, nagpangampo na ini.
Ginaistoryahan sa karun ang isa ka babaye sa India nga nag-file sang divorce sa iya bana apisar nga 40 ka adlaw pa lang ginkasal bangud nga nagapaligo ini sang isa ka bes ukon duha ka beses lang kada bulan.
Ang nasambit nga asawa ang nagikan sa Agra, Uttar Pradesh state sang India ang nagpadulong sa local family counselling center agud nga ireklamo ang bana sini matapos nga indi na maayo ang baho sini kag iya ginpaanggid sa isa ka kanding.
Suno sa asawa halos wala na nagailis sang bayo kag sa tion nga maghulid ini sa iya sa pagtulog, pamatyag sini nga daw malumos siya sa tion nga mahaklo niya ang baho sang bana sini.
Nagpangako naman ang bana sini nga i-improve ang hygiene sini apang nagpanindugan ang pamilya sang babayi nga indi na sang mga ini maluyag nga magpadayon pa ang pagupdanay sang mag-asawa.
