May mga babayi gid ya ang nagahulat nga pamangkuton sang iya kahagugma nga kun willing ini nga pakaslan agud nga makaupdanay sila tubtob sa katubtuban.
Apang pinasahi ang natabo sa isa ka babayi nga suno sa report, nagpasugot gid man matapos ang 43 ka marriage proposal sa sulod sang pito ka tuig.
Sang 2018 sang nagsugod ang paghulat ni Luke Wintrip nga magpasugot na sa iya proposal si Sarah.
Ang una nga rejection ang natabo sang sila ang anum pa lamang ka bulan nga magkahagugma.
Suno kay Sarah, palangga man sini si Luke apang indi niya luyag nga magpasugot sa butang nga bawion man niya sa ulihi.
Sa pihak sini, padayon sa gihapon nga naga-propose si Luke.
Ini ang ginalakipan sang pagrenta sang castle sa Prague, candlelit dinners kag mangin horseback-riding excursion sa isa ka baybay sa Jamaica.
Sa ika-42 nga attempt ni Luke, ginpromisa ni Sara nga sa masunod nga proposal, mapasugot na ini.
Pagkasunod nga tuig, gindala siya ni Luke sa Greenwich sa South East London nga puluy-an sang Greenwich Mean Time.
“This is the center of the world, and you are the center of my world… and I want you to marry me,” suno kay Luke.
Didto na kag nagpasugot si Sarah kag naglahog pa ini nga mahimo na nga makuha ni Luke ang Guinness World Record.
Sang Mayo, nagpakasal sila sa Jamaica.
