Madamo nagid sang mga hitabo sa kalibutan nga indi mapatihan kaangay lamang sang makamamatay nga utot.
Ini ang natabo sa isa ka babayi sa United States nga nakaangkon sang severe infection bangud lamang sa utot sang iya nga nobyo.
Suno kay Christine Connell, nag-umpisa ang iya balatian sadtong 2016.
Suno diri, nagahigda siya sa kama sang hinali lang nag-utot ang iya nobyo direkta sa iya nawong.
Sa una, nagkadlaw lang sila sa natabo apang makaligad ang pila ka adlaw, nakabatyag si Christine sang pagbara sa iya nga ilong, sakit sang ulo, sip-on kag hilanat.
Naglala ang sintomas kag naglawig sang tinuig tubtob napilitan siya nga magpatsekyar sa doktor.
Diri natukiban nga may Escherichia coli ukon E. coli bacteria sa iya nga sinus.
Ang E. coli masami nga makit-an sa tinae ukon intestines kag indi sa ilong.
Suno sa mga eksperto, posible nagsulod ang bacteria sa lawas ni Christine bangud maluya ang iya nga immune system.
Pila ka mga bulong ang iya gintumar apang nagabalik-balik ang impeksiyon.
Bangud sini, ginkonsiderar sang doktor nga operahan ini kag kakason ang infected nga tissue sa iya nga ilong.
Pahanumdom niya nga indi pagpabay-an ang mga sintomas kag samtang temprano pa, magpatsekyar na sa doctor agud indi na maglala pa.
