Ginakumpirmar pa sang San Carlos City Police Station ang kahimtangan sang 23 anyos nga babayi nga drug personality nga ginluthang sa Hope Street, Barangay 5, San Carlos City sa besperas sang Bag-ong tuig, Desyembre 31.
Sa interview sang Bombo Radyo Bacolod kay Police Major Ryan Villasario, deputy chief sa San Carlos City Police Station, ang biktima nga ginkilala nga si Daisy Mae Dairo, 23 anyos, residente sa lugar ang ginluthang sang madamo nga beses sa nanarisari nga bahin sang lawas ala-1:55 sang kaagahon.
Pahayag sang nakakita sa krimen nga ang biktima ang nagsingit pa sang “ayaw nong” ukon “indi nong” kun sa Hiligaynon.
Samtang ang suspetsado ang ginkilala lamang kay alyas MANONG.
Ang biktima ang gindala sa San Carlos City Hospital, kag kasunod nga gintransfer sa ospital sa ciudad sang Bacolod, kun sa diin sila ang nakabatun sang impormasyon nga napatay ang biktima alas-3:00 kahapon sang hapon.
Apang paathag ni Villasario nga ang impormasyon ang ila pa nga iverify.
Si Dairo ang ginakonsiderar nga street level individual (SLI) drug personality, gani isa man ini sa motibo nga ila ginatutukan sa pagluthang.
Sa karun padayun man ang pursuit operation sang San Carlos City Police Station sa nagpalagyo nga suspetsado.
