At large gihapon ang babayi nga suspetsado sa pagpatay sa iya nga live-in partner sa Purok Tahong, Barangay 2, ciudad sang Bacolod sang Biyernes sang kaagahon.
Madumduman nga si Christian Escalona, 23-anyos, ang gintiro samtang nagapungko sa iya nga tricycle kag gintuad sang isa ka witness nga ang babayi sini nga kaupod nga si Sweety Pie Posesion ang nagtiro sa iya gamit ang caliber .45 pistol.
Suno sa station commander sang Bacolod Police Station 2 nga si Police Capt. Jonito Pastrana, wala gid nakita si Posesion bisan makapila na ka beses ini ginkadtuan sa mga lugar nga masami niya ginakadtuan.
Suno kay Pastrana, ifile nila ang kaso batok kay Posesion paagi sa regular filing.
Suno diri, mahimo nga murder ukon homicide ang kaso nga ipasaka batok kay Posesion.
Sa karon, ginahulat nalang ang Pamilya Escalona nga mag-execute sang affidavit to file action bangud nagaduha-duha pa ang mga ini samtang nasubscribe naman ang testimoniya sang witness.
Si Posesion ang under probation sa kaso nga paglapas sa Republic Act 9165 gani magasulat si Pastrana sa Parole and Probation Office nga itermination ang probation nga ginhatag sa iya.
