Natalana nga operahan ang isa ka babaye matapos patal nga nasamaran sang ini ang ginluthang sa gwa lamang sang iya mismo nga balay sa Sitio Catoltolan, Barangay San Antonio, Himamaylan City, Negros Occidental.
Ginkilala ang biktima nga si Shiela May Tanguines, residente sa lugar.
Sa interview sang Bombo Radyo kay Police Lt. Col. Anthony Grande, hepe sang Himamaylan City Police Station, pagdumot ang ginalantaw nga rasun kung ngaa ginluthang si Tanguines.
Tatlo ka beses nga ginluthang si Tanguines kag ini ang naigo sa natuo nga mata kag natuo nga abaga.
Estable naman ang kahimtang ni Tanguines kag ginahulat na lamang ang operasyon sini kung sa diin kuhaon ang duha nga nabilin nga bala sa iya nga lawas.
Dugang pa ni Grande nga may ara naman sila sang duha tubtub tatlo nga persons of interest kag padayon ang pag-imbestegar sang kapulisan.
