Natalana nga i-refer sang Bacolod Police Station 4 ang kaso sang babayi nga nasamaran matapos gintiro sa gwa sang Bacolod City Government Center sang Sabado sang gab-i sa Women and Children Protection Desk (WCPD) sang Bacolod City Police Office, bangud menor de edad ang biktima.
Sa interview sang Bombo Radyo Bacolod kay Police Lt Raphael Palacios, Deputy Station Commander sang Bacolod Police Station 4, nagtawag ang imbestigador sa biktima para sa update sang pagpasaka sang kaso.
Apang nadiskubrehan nga menor de edad ang biktima paagi sa iya nga birth certificate, gani ila nga i-refer sa WCPD ang kaso.
Pahayag pa sini nga nagalain-lain man ang statement sang biktima kag ang ginatudlo nga suspek ang wala man sini nakita personal bangud sa facebook lang sila nag-communicate tubtob nga iya nga ginsabat.
Suno kay Cayao, ang tanan nga impormasyon nga una na nga nagwa ang ginbase sa statement sang babayi.
Sa karun wala pa madakpan ang suspek kag pagpangimon sa gihapon ang ginatudlo nga rason sa krimen.
