Arestado ang 52 anyos nga babayi matapos makuhaan sang balor P170,000 nga suspected shabu sa Purok Lison, Barangay 1, Bacolod City alas-4:26 kaina sang aga.
Ang biktima ang ginkilala nga si Neva Jason alyas Chang, 52 anyos, housekeeper, residente sa nasambitan nga lugar.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).
Narecover kay Chang ang walo tanan ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang 25 gramos nga may standard drug price nga P170,000.
Ang suspect ang ginakabig nga street level individual kag wala pa sa listahan sang Barangay Anti-Drug Abuse Council (BADAC).
Ang suspect ang natalana nga mangatubang sang kaso may kaangtanan sa Republic Act 9165 ukon Comprehensive Dangerous Drugs Act of 2002.
