Arestado ang isa ka babayi nga magabisita kuntani sa iya nga live-in partner nga napriso sa Bacolod City Police Station 5 matapos makuhaan sang suspected shabu kag tooter kahapon, Oktubre 4.
Ang babayi ang naga-edad sang 30-anyos kag residente sang Brgy 19, Bacolod City.
Sa interview sang Bombo Radyo kay Police Major Andy Ofalia, Station Commander sang Bacolod Police Station 5, magabisita kuntani ang babayi sa iya live-in partner nga napriso matapos nadakpan sa buy-bust operation sang tinalikdan lang nga semana.
Apang sa pag-inspect sang mga kapulisan, nadagdag ang tooter nga gintago sang babayi sa iya dala nga payong.
Nakumpiskar man ang ginapatihan shabu sa sulod sa wallet sang babayi.
Suno kay Ofalia, masami ini nga nagabisita sa prisohan agud magdul-ong sang pagkaon sa iya live-partner.
Natalana nga pasakaan ang babayi sang kaso nga paglapas sa Section 11 kag 12 sang Republic Act No. 9165 ukon Comprehensive Dangerous Drugs Act of 2002.
Mensahe ni Ofalia nga mangin leksyon ini sa mga naga-engaged sa ilegal nga druga.
Dugang pa, ginpasiguro naman sini nga ang mga kapulisan ang padayon sa hugot nga pagpatuman sang anti-illegal drugs campaign.
