BACOLOD CITY – Patay ang isa ka babaye nga may deperensiya sa paminsaron matapos nga nabungguan sang truck sa Purok Riverside, Brgy. Bata, ciudad sang Bacolod kagab-i.
Wala pa natumod ang ngalan sang biktima nga nakaangkon sang pilas sa ulo tuga sang pag-bunggo sang truck.
Suno sa imbestigador sang Police Station 3, PO2 Eliseo Adrenada, may nagpahibalo na lang sa police station nga nabungguan na ang biktima.
Sa pagpangusisa sang imbestigador, truck nga nagakarga sang mga container ang nagbunggo sa biktima apang wala ini nakilal-an matapos nga nag palagyo paguwa sa Brgy. Bata.
Sa sini ,nagapanawagan si PO2 Adrenada sa driver sang truck nga kun may konsensiya ini, dapat nga mag sungka na ini sa kapulisan.
May nakuha man nga impormasyon ang imbestigador nga taga Purok Marapara sa Brgy. Bata ang biktima.
