Wala sang nakita nga foul play ang mga kapulisan sang sa kamatayon sang babayi nga ginapatihan nga may deperensya sa paminsaron nga nasapwan nga naga-utaw utaw sa suba sa banwa sang Ilog, Negros Occidental kahapon sang aga.
Sa interview sang Bombo Radyo Bacolod kay Police Major Randy Babor, ginalantaw nga mga duha na ka adlaw nga nalumos ang biktima.
Suno kay Babor, ang biktima ang may yara sang deperensya sa paminsaron.
Suno diri, ang pamilya ang nagdecide nalang nga kadenahan ang biktima bangud wala sang nagaatipan diri bangud ang iloy ang makonsiderar naman nga isa ka Persons with Disability bangud nakaagi stroke.
Ang biktima ang ginkadenahan agud nga indi makalagaw apang nabugto ang kadena sini.
Ini bangud ang isa sini ka utod nga ginapahayag nga may deperensya man sa paminsaron ang naghatag diri sang martilyo nga mahimo gingamit sang biktima agud nga mabugto ang kadena.
Wala natalupangdan sang pamilya nga naglakat ang biktima.
Ginpahayag man nga ginpili sang pamilya nga kadenahan ang biktima agud nga magtinir ini sa balay bangud wala na sang nagaatipan diri.
Samtang nagpanugyan man si Babor nga kun may kaangay nga miyembro sang pamilya dapat nga magpangayo sang kinahanglan nga bulig sa gobyerno agud nga madapatan sang nagakaigo nga pagbulong.
