Babayi nga namissing kadungan sang pag-ulan sa banwa sang Cauayan, wala gihapon nakit-an

Wala sa gihapon nakit-an ang babayi nga gin-anod sang daludo sang tubig matapos naghingagaw pasaka sang motor sang tubig sa Barangay Guiljungan, banwa sang Cauayan kadungan sang pag-ulan sang Mayo 3 sang gab-i.

Suno kay Police Lt. Col. Garry Allan Resuma, hepe sang Cauayan Municipal Police Station, naghingagaw kuha sang motor sang tubig ang 50 anyos nga babayi agud kuntani nga indi maanod sang tubig baha bangud madamol ang pagbubo sang ulan, apang bangud sa mabaskog nga current sang tubig, gin-anod ini kaupod ang motor sang tubig.

Suno kay Resuma, indi lang anay paghingadlan ang biktima.

Sa karun nagapadayon pa ang pagpangita sang mga otoridad sa biktima.