Liwat nga nadakpan ang isa ka babayi nga napriso na sadto sa pagbaligya sang illegal na droga sa ginpatigayon nga buybust operation sang Bacolod Police Station 4.
Ginkilala ang nadakpan kay Annalyn Dela Cruz, 47 anyos kag residente sang Purok Cheriza 2 Barangay 27, Bacolod City.
Nakuha sa paghinakop sini ang anum ka sachet sang suspected shabu nga ginabanta nagabug-at sang 10 grams kag nagabalor sang P68,000.
Samtang, arestado man ang isa ka lalaki sa ginpatigayon nag buybust operation sa Purok Sigay, Barangay 2, Bacolod City.
Ginkilala ang suspetsado kay Enrique Esio, residente sang nasambit nga lugar.
Nakuha sa paghinakop sini ang siyam ka sachet sang suspected shabu kag ginabanta nagabug-at sang walo ka gramos kag nagabalor sang P54,400.
Ang mga arestado ang lunsay magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
