Nakaangkon sang neck fracture kag back injuries ang isa ka babaye nga overseas Filipino worker nga on board sa isa ka Singapore Airlines flight nga nakaangkon sang severe turbulence.
Sa statement sang Department of Migrant Workers, ang nasambit nga OFW ang nagpaidalum sa surgery sa Bangkok kahapon agud mabulong ang neck fracture.
Suno sa ahensya, wala pa sa karun sang detalye natuhoy sa treatment ukon surgery para sa iya back injuries kag nagapabilin nga sensitibo apang estable ang iya kondisyon.
Ginbisita naman sang mga representatives nagikan sa Philippine Embassy sa Bangkok ang OFW sa ospital sang Miyerkules.
Isa pa gid ka Filipino nga 62-anyos nga lalaki, nga yara man sa kaangay nga flight ang nakaconfine sa intensive care unit (ICU) matapos nangin unconscious.
Padayon naman nga ginamonitor sang mga doktor ang iya kondisyon para sa dugang nga evaluation kag pagbulong.
Samtang, isa ka Filipina staff nurse nga nakabase sa United Kingdom kaupod ang iya bana kag duha ka tuig nga lapsag, nga lunsay mga pasahero man sang Singapore Airlines Flight SQ321 ang yara na sa estable nga kondisyon suno sa Migrant Workers Office-London.
