Asta sa diin ang mahimo mo ubrahon para lang sa kwarta? Sa pungsod France, ang isa ka 31 anyos nga babayi ang nasentensyahan sang duha ka tuig nga pagkapriso matapos nga ini ang madakpan nga gin-impersonate ang isa ka doctor kag opthalmologist sa sulod sang pila ka tuig nga wala nagpaidalom sa medical training.
Ini ang nag-umpisa sang 2018 sang si Sonia ang 31 anyos nga babayi fro Meaux, sa northern France, ang nagpasimpalad bilang isa ka doctor apang wala nagpaidalom sa medical training.
Si Sonia ang may yara sang bachelor’s degree sa real estate management, apang wala niya ini gingamit agud makuha ang trabaho bilang isa ka general physician.
Ginpeke sang babayi ang mga diplomas nagikan sa Faculty of Strasbourg kasubong ang certificate sang board of the Order of Physicians nga nagpadayon sa pagtrabaho bilang doctor sa sulod sang tatlo ka tuig nga wala sang nakanakamutik.
Ang babayi ang wala lang nagpractice bilang physician sa sulod sang tatlo ka tuig apang naexposed sang October tuig 2021 nga ini ang nagtrabaho pa bilang isa ka opthalmologist.
Ginpahayag man sang reports nga ang 31 anyos nga babayi ang naconvict bangud sa “breach of trust” sang 2019, apang bangud wala man gintsekyar sang kompaniya iya nga credentials gani wala sang nangin problema sa pagtrabaho sini bilang medical professional.
Matapos nga gingamit sini ang identities sang duha ka actual doctors nga kapangalan sini.
Si Sonia ang nakaincome sang malapit 70, 000 euros nagikan sa iya peke nga career.
Sa sulod sang tatlo ka tuig kag tunga nga pagtrabaho sini bilang doctor, nakahimo si Sonia sang 20 vaccinations batok sa Covid19 kag nagreseta sang pila ka mga bulong nga wala man ini nakahibalo kun ano ang ginreseta sini.
Suno sa babayi nga iloy sang tatlo ka mga kabataan kwarta ang nagtulod sa iya agud himuon ang iligal nga buluhaton.
