Ginkasubo sang chairperson sang Bids and Awards Committee sang Silay City Government nga ulihi nga ginpahibalo si Silay City Mayor Joedith Gallego angot sa pag- issue sang notice of violation sa contractor sang ginatukod nga New Government Center.
Gin-issuehan sang notice of violation ang contractor nga Silver Dragon Construction and Lumber and Glass Supply bangod nga wala sang building permit sa pagconstruct.
Sa interview sang Bombo Radyo Bacolod kay Atty Janus Jarder, ang notice of violation gindagdag bangod nga may nakita nga bayolasyon kag ini ang ginapahibalo sa city legal office kag bangod nga government project ini, dapat nga ginpahibalo ang alkalde sang ciudad agud nga mahatagan sang nagakaigo nga tikang.
Paathag sini ang application sang building permit ang gina-apply sang ciudad paagi sa contractor kag ang contractor ang nagapreparar agud papermahan ang application for building permit sa alkalde.
Pahayag ni Jarder, dapat nga husto kag indi pag-ipaagi sa mga unusual nga pamatasan ang pagtrabaho.
