Ginapadayaw sang Chairperson sa Committee on Health and Sanitation sa Sangguniang Panlungsod ang madinalag-on nga Bacolod Comprehensive Health Program (BacCHP), kag nagpasalig nga pasanyugon pa ang benepisyo sini.
Sa interview sang Bombo Radyo Bacolod kay Councilor Claudio Jesus Raymundo “Kalaw” Puentevella, sa isa ka tuig nga implementasyon sang BacCHP card, kalabanan sang mga response ang positibo.
Sila ang padayun paman sa pagpamaton sang membership kag ginpasimple man ang pag-avail sang BacCHP card.
Suno diri, matapos ang health summit gintun-an kun ano pa ang pwede ma-amyenda ukon madugang sa benepisyo.
Pahayag sini nga plano nila nga malakip ang mga pharmacy, agud indi lamang admission sa ospital malakip man ang libre nga bulong sa mga partner nga botika.
Suno kay Puentevella sa karun 150,000 na ang may BacCHP card, kag ini ang magadalagan pa sa 300,000 beneficiaries bangod tatlo ka persona ang receipient gikan sa isa ka pamilya.
Isa man sa ila nga hikutaron ang pagdugang sa budget kadungan sa paglapad sang benepisyo.
Paathag ni Puentevella nga hinali maglain ang alkalde sa 2025 midterm election, ang BacCHP program ang magapadayun lamang.
