Nagsabtanay sanday Atty. Sonya Verdeflor, Chairman, Board of the Directors, Bacolod City Water District kag Bacolod City Councilor Atty Caesar Distrito sa session nga ginpatigayon kahapon.
Ini angot sa pagpagwa sang statement sang BACIWA nga pagpaandam sa posible nga pagpa-untat sang supply sang tubig bangod wala nakabayad ang Primewater sang ila utang sa Bacolod Bulk Water Inc.
Ginkwestyon ni Distrito kun bala indi mahimo nga madagdagan sang penalidad ang Primewater ukon materminate ang Joint Venture Agreement kun wala nasunod ang nasulat sa kontrata.
Suno kay Verdeflor, madamo pa sang dapat nga ikolekta sa Primewater nga bisan ang BACIWA mabudlayan.
Dugang pa ni Distrito, ang JVA yara sa tunga sang BACIWA kag Primewater apang nagapamangkot ini kun ngaa kaangay nga ginapasa nila ang responsibilidad sa Local Government Unit.
Sabat ni Verdeflor, sang ginbutang siya sa pwesto, ginsalo na lamang sini ang problema nga wala nagacomply ang Primewater sang insakto.
