Gin-athag sang chairman sang Board of Directors sang Bacolod City Water District nga ang pag-ilis kay BACIWA general manager Mona Dia Jardin ang bangud sa nag-expire na ang termino sini kasunod sang resolution nga ginpagwa sang Board of Directors.
Sa interview sang Bombo Radyo Bacolod kay Director Sonya Verdeflor, ang position sang general manager sang BACIWA ang confidential in nature bangud gina-enjoy sini ang trust and confidence sang board.
Suno kay Verdeflor bilang general manager siya ang direkta nga gin-appoint sang board of directors kag dapat ini ang nagareport sa board.
Dugang pa nga ang duties and responsibilities sang general manager ang gin-determine man sang Board of Directors.
Ini ang nagapatimaan lamang nga intimate ang relationship sa tunga sang board of directors kag general manager.
Ang responsibilities sini ang wala lamang natapos sa clerical bangud imbulbado man ini sa policy kag decision making.
Samtang, ang compensation sini ang gintalana man sang board.
Ang General Manager ang accountable man sang mga actions kag omissions sini sa board.
Suno kay Verdeflor, wala gindismiss si Jardin kundi nagpagwa sila sang resolution nga nagadeklarar nga natapos na ang termino sini.
Suno diri, ang termino sang general manager ang magapadayon basta ara sagihapon ang trust and confidence sang board of directors apang ma-expire ini kun madula na ang pagsalig sang mga ini.
Gindeklarar paagi sa resolution nga ginpagwa sa board of directors nga expired na ang term ni Jardin bilang general manager sa ground nga “lost of trust and confidence.”
Siya ang temporaryo nga ginbuslan ni Engineer Michael Soliva.
Suno kay Verdeflor ang board of directors ang may significant audit observation kag recommendation sang Commission on Audit (COA) 2023-2024 ang nagapabilin sagihapon kaangay sang existence kag correctness sang balance nga ginreport sang general manager sa property, plan and equipment sang BACIWA kag wala pagpakolekta sang mga penalidad sa Prime Water matapos nga wala nagsunod sa mga nakasaad sa Joint Venture Agreement.
Dugang pa nga nadula man ang pagsalig sang board of directors matapos ang paghimo sang eco park nga may budget nga P34 million kun sa diin ang P20 million ang nagikan sa water consumers fund kag ang 14 ang nagikan sa BACIWA para sa duta apang ini ang napaidalom sa CLOA.
Apisar nga nabayran na sang mga ini ang nasambit nga kantidad indi magtandog ang iban nga papeles bangud wala sang certification nagikan sa Department of Agrarian Reform.
Sa karun ginahulat pa nila ang desisyon sang local water utilities administration (LWUA) matapos nga nagsulat si Jardin sa board of directors nga indi ini maghalin bangud illegal ang pagpanaog sa iya sa pwesto.
Mensahe sini nga tinguhaon nila sa BACIWA nga makahatag sang nagakaigo nga water supply ang konsumidor kag agud man nga maserbe man nila ang purpose sang sang water district.
