Nagpanugyan si Bacolod City Water District (BACIWA) Chairman Atty. Sonia Verdeflor sa mga Bacolodnon nga magstore na sang tubig bangod sa posibilidad nga ini ang madula.
Nahibaluan nga nagademand ang Bacolod Bulk Water Inc. kag iban pa nga Water Suppliers kag Contractors sa Primewater nga isettle ang ila outstanding obligations nga nagdangat na sa P11 million.
Nahibaluan nga halin sang Setyembre, ang Primewater ang wala na nakabayad sa water supplier.
Ang Primewater ang ginahatagan na lamang sang extension nga tubtob bwas, Disyembre 14, agud bayaran ang P11 million para sa tubig nga nakonsumo na sang ciudad.
Nagpaandam ang Bacolod Bulk Water nga kun indi mabayaran sang Primewater sa deadline, maga-untat ang water supplier sa paghatag sang tubig sa water district.
Agud mapreparahan ang posibilidad sang water crisis, ginapanugyan ni Verdeflor sa mga water consumers nga gilayon nga magstore sang tubig sa dalagko nga mga containers.
Ini bangod sa posibilidad nga madula ang supply sang tubig sa Lunes. kun indi makabayad ang Primewater.
Ang BACIWA Board ang nagpasar man sang resolusyon nga nagarequest kay Mayor Greg Gasataya kag sa Sangguniang Panlungsod nga irevoke ang business permit sang Primewater kun sila ang mapaslawan sa pagsolbar sang ila bayolasyon.
