Nagpasalig ang general manager sang Bacolod City Water District (BACIWA) nga wala sang disruption sa serbisyo sang tubig sa ciudad apisar nga wala nakabayad ang PrimeWater sa Bacolod Bulk Water Incorporated (BBWI).
Ginasukot sa karun sang BBWI ang PrimeWater sa wala sini nabayaran nga bill halin sang Mayo tubtob Hunyo subong nga tuig.
May ginpagwa nga statement ang BBWI nga gin-untat nila ang pagsupply sang tubig sa PrimeWater.
Kahapon nagmeeting si Bacolod City Mayor Greg Gasataya sa mga representatives sang BACIWA, PrimeWater kag BBWI bangod 40 percent sang supply sang tubig sa ciudad halin sa PrimeWater nga nagakuha sang supply sa BBWI.
Suno kay Mona Dia Jardin, may yara na sang nakasugtan kun paano bayaran sang PrimeWater ang masobra sa P5 million nga bill.
Nagpasalig ini nga wala sang disruption nga matabo sa water service sa ciudad bangod nagsaka na sa 108 megaliters per day ang ginasupply sang BACIWA-PrimeWater halin sa 104 MLD sadto.
Gina-amat amat naman sa karun restore ang mnga pipes nga indi maayo maagyan sang tubig.
