Ginpanindugan ni Bacolod City Water District (BACIWA) Assistant General Manager for Administration Samuel Penado nga nacomply na ang yara sa sulat ni NEDA assistant secretary Jonathan Uy nga napetsahan Agusto 5 nahanungod sa financing, development, improvement, rehabilitation, expansion, operation kag maintenance sang water supply kag septage systems sang BACIWA.
Suno sa NEDA, Oktubre 1 tuig 2019 sang ginhingyo ang BACIWA nga magpasa sang third party valuation sang equity sang water district sa NEDA bilang pagsunod sa joint venture guidelines kag Executive Order No. 423 kag Republic Act 9184 ukon Government Procurement Reform Act.
Sa paathag ni Penado, nakapaidalom na ang mga ini sa Contract Review no. 724 sa idalum sang valuation sang Office of the Government Corporate Council (OGCC) kag naghatag man ini sang opinyon antes ginfinalize.
Ginpanindugan sini nga nakumpleto na sang BACIWA ang mga requirements sa idalum sang 2013 revised NEDA guidelines para sa Joint Venture.
Suno diri, indi kabahin sang guidelines ang pagpasa sang 3rd party valuation bangod ginakinahanglan lang ina sa incorporated type nga ginakinahanglan sang sharing sang kapital.
Samtang ang Joint Venture naman nga contractual type ang nakabase lang sa financial record sa pagcompute sang usufruct.
Kun may patigayunon man nga amendment sa 2013 revised NEDA guidelines, sa masunod pa ini maga-epekto kag indi sa mga natapos na ukon ongoing nga proseso.
Sini nga Agusto 6, nagsulat ang OGCC angot sa mga suhestyon kag rekomendasyon sa idalom sang contract review no. 724 ang nacomply na sang joint venture agreement.
May ginauyatan naman ini nga copy of performance gani nakahanda ini nga magsabat sa sulat sang NEDA.
