-- ADVERTISEMENT --
Posible nga makahatag sang kabudlayan ang background ni Senator Ronald “Bato” dela Rosa sa law enforcement sa pagserbe sang arrest warrant sang International Criminal Court (ICC), suno kay National Bureau of Investigation (NBI) Director Melvin Matibag.
Suno kay Matibag, ang eksperyensya ni dela Rosa sa law enforcement ang nagahatag sa iya sang bentaha sa nagahilapit nga police operations batok sa iya.
Madumduman nga ang senador ang myembro sang Philippine Military Academy “Sinagtala” Class of 1986, kag anay hepe sang pungsodnon nga kapulisan sa idalom sang Duterte administration.
Sa pihak sini, kumpyansa si Matibag nga madakop sang law enforcement agencies ang senador nga ginakabig na sa karon nga pugante.
