Ginsunog sang ginaalegar mga katapo sang New People’s Army ang isa ka backhoe nga ginapanag-iyahan sang isa ka construction company sa Barangay Carabalan, Himamaylan.
Sa interview sang Bombo Radyo kay Police Lt. Arturo Margallo Jr., deputy chief sang Himamaylan City Police Station, ginpahayag ni William Ayuno, trabahante sang ASJ and Sons Construction Company nga may nagpalapit sa iya nga apat ka mga persona kag ginhambalan nga magkalma ini, indi magpanerbyos kag madugay na sila nga ginapabalo nga ang iban nga duta ang wala pa mabayaran.
Ginhambalan man ini suno kay Margallo nga magpalagyo kag indi magpalapit sa backhoe.
Suno sa iya, isa lang sa mga anggulo nga ila ginalantaw nga ang mga suspetsado ang miyembro sang makawala nga grupo apang posible man nga personal ang rason bangud santo sa ila inisyal nga statement, may yara sang wala matuman nga obligasyon ang kumpaniya nga ginapanag-iyahan ni Elwin Javelosa.
Sa tatlo tubtob apat ka mga equipments sa lugar, isa ka backhoe ang nasunog.
Ini ang nakapark sa dalan nga ginaagyan humalin sa farm padulong sa tindahan.
Wala naman sang may nasamaran nga persona.
Sa karun nagapadayon pa ang imbestigasyon sang kapulisan.
