Indi magpatigayon sang untat-biyahe ang transport group diri sa Bacolod City sa Agosto 10, 11 kag 12 kasunod sang announcement sang MANIBELA.
Sa announcement sang grupo magapatigayon sila sang untat-biyahe sa sulod sang tatlo ka adlaw bangud sa wala untat nga pagsaka sang presyo sang produktong petrolyo.
Sa interview sang Bombo Radyo Bacolod kay Bacolod Alliance for Commuters Operators and Drivers (BACOD)–Manibela President Rudy Catedral, indi sila magpatigayon sang untat-biyahe ukon transport strike apang mapatigayon ang ila nga grupo sang rally-protests bilang pag-ugyon sa panawagan sang ila counterpart sa Manila.
Dugang pa sini, ang P12.00 nga discount sa kada litro sa pagpatughong sang mga nagabiyahe ang indi man supisyente.
Suno pa kay Catedral magluwas nga indi ini supisyente nga bulig sa mga drivers kag operators, indi man tanan ang maka-avail bangud nakadepende man sagihapon sa listahan sang Land Transportation Franchising and Regulatory Board (LTFRB).
