Nagapanawagan ang mga drivers kag operators sa ciudad sang Bacolod nga ihatag na ang fuel subsidy kadungan sang ginalantaw nga doble nga pagsaka sang presyo sang produktong petrolyo kasunod sang kinagamo sa Middle East.
Sa interview sang Bombo Radyo Bacolod kay Bacolod Alliance of Commuters Operation and Drivers (BACOD–Manibela) President Rudy Catedral, sila ang nagapanawagan nga ihatag na sang gobyerno ang fuel subsidy kag dapat man nga siguruhon nga makadto ini sa mga driver.
Suno kay Catedral dako gid nga bulig kun matigayon nga mahatag sang Land Transportation Franchising and Regulatory Board (LTFRB) pananglitan nga magapatuman sang pagsaka sa presyo sang produktong petrolyo.
Gin-athag man sini nga ang mga traditional jeepneys ang indi magpasaka sang pletehan bangud nakahibalo sini nga ang tanan maapektuhan apisar nga ang mga modernized jeepney ang nagduso na LTFRB nga magapasaka sila sa pamasahe.
