Magapadulong sa opisina sang Land Transportation Franchising and Regulatory Board (LTFRB) kag Land Transportation Office (LTO) Region 6 sa Mayo 15 ang mga representative sang unconsolidated traditional jeepney.
Nahibaluan nga tubtob lamang sa Mayo 15 ang ginhatag nga extension agud nga makabiyahe ang mga unconsolidate traditional jeepney drivers kag operators.
Sa interview sang Bombo Radyo Bacolod kay Rudy Catedral, presidente sang Bacolod Alliance of Commuters Operators and Drivers Inc. (BACOD), masobra 1,500 ang mga traditional jeepney nga wala nagpaconsolidate sa Bacolod City.
Panindugan sini nga sala ang numero sang consolidated jeepneys nga ginapagwa sang LTFRB 6 bangod yara lamang sa masobra 2,500 ang kabug-usan nga nagabyahe nga traditional jeepneys sa karun, kag dako ang mangin problema kun indi na makabyahe ang masobra 1,500.
Dugang pa sini nga wala bisan isa sa mga unconsolidated traditional jeepneys ang nakabatun sang show cause order gikan sa LTFRB 6.
Suno kay Catedral, nakapagwa sang pahayag si LTFRB 6 officer in charge Atty Salvador Altura, nga nakadepende sa alkalde sang isa ka local government unit (LGU) kun sila ang magarequest sang dugang nga extension.
Panindugan sini nga wala sang consistency ang LTFRB bangod kun may-ara dapat nga wala na sang extension nga ginahatag.
Dugang pa sini nga sila ang nagaluto naman sang dako nga rally protesta; apang sa Mayo 16, indi sila magrisgo sa pagpabyahe sang mga traditional jeepneys bangod tuman ka dako ang penalidad nga magadangat sa P62,000 kag suspension sang drivers license sa sulod sang isa ka tuig.
