Luyag lamang sang mga transport groups nga makahinun-anon ang mga opisyales sang mga ahensya sang gobyerno nga may kaangtanan sa public utility vehicle modernization program, gani sila ang nagpatigayon sang rally protesta kahapon.
Sa interview sang Bombo Radyo Bacolod kay Bacolod Alliance for Commuters, Operators and Drivers Incorporated (BACOD) President Rudy Catedral, karun lang natabo nga nagpatigayon sang hearing ang Bacolod Hall of Justice sa kagab-ihon agud lamang mapasaka ang kaso sa ila
Ala-1:30 kaina sang kaagahon lima sa ila ang nakapyansa na sang P3,510 kada isa para sa kaso nga disobedience to authority, illegal act of assembly kag bayolasyon sa no permit no rally policy.
Samtang sila ang magarequest pa sang indigency certificate gikan sa Barangay agud mapanubo ang bail bond sang isa ka miyembro nga nagdangat sa P36,000 bangod sa kaso nga assault, matapos gintapungol ang pulis sang ini ang masakam sang sila ang ginbombahan sang tubig, agud mapanubo ang pyansa nga bayaran.
Indi naman magpati si Catedral sa alegasyon sang pagpanapungol bangod may shield man nga gamit ang mga kapulisan.
Ang mga gin-aresto ang ginalakipan sang mga lideres sang BACOD, Kabakod Negros Transport Coalition Incorporated (KNETCO) kag United Negros Drivers and Operators Center (UNDOC) kasubong man pila nila ka miyembro.
Aminado naman si Catedral nga Commercial Vehicle Show ang ginapatigayon sa L’Fisher Hotel apang ini ang iya gintawag nga ‘Secret Transport Summit’ para sa Public Utility Vehicle (PUV) Modernization Program.
Suno diri sila ang nakabatun sang impormasyon gikan sa organizer nga magatambong sa vehicle show ang tanan nga Regional Directors sang Land Transportation Franchising and Regulatory Board (LTRFB), LTFRB National Officers, Cooperative Development Authority (CDA) officials kag iban pa nga related agencies sa PUV Modernization Program.
Panindugan ni Catedral nga sila ang pila ka adlaw nagtulog sa gwa sang opisina sang LTFRB Region 6, kag nagpadulong sa national office, apang sila ang wala gina-atubang kag ginapasalig lamang.
Bangod natingob ang mga opisyal sa nasambitan nga event, nakita nila ini nga tion nga makahinun-anon kag nanindugan nga sila ang wala man sang plano nga gamuhon ang event.
