Opisyal na nga ginbuksan ang Bacolaodiat Festival 2025 sa SM City Bacolod Main Atrium agud sugataon ang Year of the Wood Snake kahapon.
Ang Opening ceremony ang ginpangunahan ni Bacolaodiat Inc. President John Stephen Sy, kag Board Members kag ni Bacolod City Councilor Jason Villarosa.
Ang seremonya ang gintambungan man sang executives sang nasambit nga mall.
Ginpatigayon man ang ceremonial hitting sang gong agud markahan ang pag-umpisa sang Lunar New Year festivities sa Bacolod.
Nagperform man sang lion dance kag traditional acrobatics ang Chamber Lion Dance Troupe.
Kahapon madamo man sang lion dancers ang nagperform sa mga establishments sa ciudad sang Bacolod.
Ang Bacolaodiat ang patigayunon humalin sa Enero 31 tubtob Pebrero 2 nga magafeature sang street and lantern dance, Imperial Village, Emperor’s Market, kag iban pa nga special events.
Madamo man sang mga bisita nga naglagaw sa North Capitol Road agud nga saksihan ang pagperform sang mga banda ang mga Chinese lanterns nga gindisplay sa lugar.
