Indi na pagahiwaton sa Lacson Tourism Strip ang Bacolaodiat Festival subong nga Pebrero.
Ginpaathag ni Councilor Jason Villarosa, Chairperson sa Committee on Tourism sa Sangguniang Panlungsod, nga sa Bacolod City Government Center (BCGC) pagahiwaton ang selebrasyon nga mas maayo kun ikumpara sa Lacson Street.
Suno kay Villarosa, ini bangud limitado lamang ang budget sang ciudad.
Suno diri mas accessible ang BCGC bangud kun sa Lacson Street mahimo nga makatuga ang aktibidad sang mabug-at nga trapiko.
Nahibaluan nga naghatag ang LGU sang P5 million nga subsidy para sa pagpatigayon sang kapiyestahan.
Pahayag ni Villarosa, Pebrero 17 ang pagselebrar sang Chinese New Year, apang gintalana ang Bacolaodiat Festival 2026 sa Pebrero 20 tubtob 22.
Ginlauman naman sang konsehal nga mangin madinalag-on ang pagselebrar sang amo nga kapiyestahan.
