Nasubuan ang pamunuan sang Adventist Medical Center- Bacolod sa kamatayon sang 40 anyos nga lalaki nga COVID patient kahapon alas 5:00 ang takna sa aga.
Madumduman nga ang pasyente ang makatatlo na nga nagpaidalom sa retest sang COVID-19 kun sa diin nagnegatibo ang resulta apang nagpabilin sa ospital bangud sa nagalala nga komplikasyon sang masakit sini.
Sa statement nga ginpagwa ni BAMC president and medical director Dr. Galileo Pabalinas, ginsunod sang pamunuan ang nagakaigo nga pagsulundan sang Department of Health sa paghandle sang bangkay sang pasyente.
Naghalad man ang mga ini sang pangamuyo kag comfort para sa pamilya kag ginpangamuyuan man ang mga healthcare workers nga nag-atender diri tubtob nga may progress sa masakit sini, pagsakripisyo sang oras kag paghatag sang tanan nga ikasarang sa pagtatap sa pasyente.
Nagapakig-unong ang pamunuan sang ospital kag nagsimpatiya man sa duha ka mga nabilin sini nga mga utod bangud man sa pagtaliwan sang iloy sini bangud man sa kasubong nga balatian.
Ginpasiguro man sini ang safety practices sang healthcare team para man sa ikaayong lawas kag well-being samtang nagaatipan sa mga pasyente.
Nagapangamuyo man ang mga para sa kabakod kag comfort sa pag-ululupod kag pagbuligay agud mabuhinan ang makatalagam nga balatian.
