May yara na sang duha ka bag-o nga Department Head ang Bacolod City Disaster Risk Reduction and Management Office (CDRRMO) kag City Agricultures Office.
Sa flag raising ceremony sa Bacolod City Government Government Center kaina sang aga, gin-anunsyar ni Mayor Greg Gasataya nga si Dr. Anna Maria Laarni-Pornan, head sang Bacolod CDRRMO, kag si Maricar Quiro sang City Department of Agriculture ang na-promote na bilang mga department head.
Si Dr. Pornan ang isa ka medical officer nga may 27 ka tuig nga serbisyo sa gobyerno halin pa sang 1999.
Antes nangin department head, nagserbe siya bilang officer-in-charge (OIC) sang Bacolod CDRRMO sa sulod sang lima ka tuig.
Samtang, si Quiro ang isa ka registered agriculturist kag anay Agriculturist II sang Provincial Veterinary Office.
Nagserbe man siya bilang officer-in-charge sang City Agriculture Office sa sulod sang tatlo ka tuig antes napromote bilang department head.
Ginapakamaayo ni Mayor Gasataya nga may department head na ang ginakabig nga duha ka pinaka-importante nga departamento bangud mas maubra sini ang ila katungdanan.
Nagalaum ang Alkalde nga sa ila pagpromote, mas mapabaskog pa gid ang pagpatuman sang mga programa kag serbisyo sang Bacolod CDRRMO kag City Agriculture Office para sa kaayuhan sang mga pumuluyo…Sa kaangot nga balita, ginkalipay ni Maricar Quiro ang iya pagkapromote bilang Department head sang Bacolod City Agricultures Office.
Sa interview sang Bombo Radyo kay Quiro, sa pagpungko sini bilang officer-in-charge, madamo na siya sang programa nga naimplementar.
Si Quiro nga isa ka registered agriculturist kag former Provincial Veterinary Office Agriculturist II ang nagserbe bilang officer-in-charge sang City Agricultures Office sa sulod sang tatlo man ka tuig kag anum katuig nga nagatrabaho sa ciudad.
Pasalig sini nga padayunon ang iya mga katungdanan bilang bag-o nga department head.
Ginahingyo sini ang suporta sang tanan kag nagapasalamat kay Mayor Greg Gasataya sa iya pagkapromote.
