Natalana nga magapadul-ong man sang bulig ang Bacolod City Disaster Risk Reduction Management Office kag Bacolod City Health Office para sa mga naapektuhan sang pag-alburuto sang Bulkan Kanlaon.
Sa interview sang Bombo Radyo Bacolod kay Ma. Laarni Pornan, sa Huwebes magadul-ong ang mga ini sang bulig sa provincial government sang Negros Occidental para sa mga apektado sang ash fall kasunod sang pag-alburuto sang Bulkan Kanlaon.
Kalakip sa bulig nga ihatag amo ang mainum nga tubig kag mga facemasks.
Suno diri, sa Huwebes ang mga ini magadul-ong sang bulig bangud ginatipon pa nila ini bangud ang City Health ang may yara man sang ibulig sa mga apektado sang pag-alburuto sang Bulkan Kanlaon.
Samtang yara naman sa Blue Alert ang Bacolod City Disaster Risk Reduction Management Office para sa monitoring sa sitwasyon sang Bulkan Kanlaon kag nastand by nga magresponde kun kinahanglanon.
