Gina-komemorar subong nga adlaw ang ika-82 nga anibersaryo sang inagurasyon sa pagpungko sa pwesto sang una nga set sang mga city officials sa ciudad sang Bacolod nga ginpangunahan sadto ni anay Mayor Alfredo Montelibano Sr.
Madumduman nga santo sa Republic Act 11146 nga ginpirmahan ni Presidente Rodrigo Duterte bilang isa ka layi sadtong Nobyembre 9, 2018, opisyal nga Charter Day sang ciudad karon amo ang Hunyo 18.
Sa interview sang Bombo Radyo Bacolod kay Councilor Renecito Novero, gin-athag sini nga base sa historical records, ang Oktubre 19, 1938 ang adlaw sang pag-inagurar sa una nga set sang city officials apang ang Hunyo 19,1938 ang petsa kun sa diin ginpirmahan ni President Manuel Quezon bilang isa ka layi ang Commonwealth Act 326 nga nagatukod sa City of Bacolod.
Suno kay Novero, ang dapat gid nga sundon nga kaadlawan sang Bacolod amo kun san-o ginpirmahan sang presidente ang layi.
Sa karon, ginaselebrar na bilang isa ka non-working public holiday sa ciudad sang Bacolod ang Hunyo 18 bilang pag-obserbar sa Charter Day.
