Nangin matawhay ang pagpatigayon sang Bacolod Chicken Inasal Festival 2024.
Sa interview sang Bombo Radyo Bacolod Police Lt. Col. Ronnie Brillo, pinuno sang Bacolod City Mobile Force Company, nagapasalamat ini nga wala sang narecord nga insidente sa ginpatigayon nga Bacolod Chicken Inasal.
Suno kay Brillo, nangin masako ang mga kapulisan sa ciudad sang Bacolod bangud sunod-sunod ang events sa ciudad sang Bacolod.
Suno diri, wala sang ginbuhin sa deployment bangud gindugangan pa.
Ini bangud magluwas sa Bacolod Chicken Inasal, may yara pa sang Mayor Albee Sports Fests kag nadugangan pa sang 2024 ROTC Games.
Suno kay Brillo, nagaayo lamang ang kapulisan sa Bacolod City Police Office sang kooperasyon sang mga pumuluyo kag mga delegado sang ROTC Games agud nga mapabilin nga malinong kag matawhay ang ginapatigayon nga events sa ciudad sang Bacolod.
