Sa ikaduha nga adlaw sa selebrasyon sang Chicken Inasal Festival madamo sang mga naggikan pa sa gwa sang Negros Occidental ang nagpadulong agud makatilaw sa inasal nga manok sang Bacolod City.
Nahibaluan nga may-ara sang tatlo ka venue para sa festival nga ginalakipan sang North Capitol Road, Upper East Mega World kag Manokan Country.
Ini ang una nga kahigayunan nga tatlo ka adlaw ang Inasal Festival sang Bacolod bangud sa nakaandan, isa lang ini ka adlaw.
Sa interview sang Bombo Radyo kay Jasper isa ka frisbee player, kaupod sini ang iya coach nga si Wendell sa pagbyahe padulong sa Bacolod City para sa ila nga hampang kasubong man agud nga matilawan ang bugal sang siyudad nga chicken inasal.
Suno diri, excited ini nga matilawan ang inasal nga manok ilabi na ang Cansi.
Sila ang nagikan pa sa Boracay kag nagbyahe sa padulong sa Bacolod City.
Suno kay Jasper sa Lunes pa ang byahe sini pabalik sa Boracay.
Siya ang kabahin sang frisbee team nga naga-intra sa national competition.
