Ginpatpat ni Bacolod City Administrator Em Ang ang mga tikang para makakuha sang Bacolod City COVID-19 Contact Tracing (BAC-TRAC) system card.
Suno kay Ang, magkadto lamang sa website nga www.bacolodcity.gov.ph kag pangitaon ang BaCTrac logo kag I-click ang view.
Pangitaon ang “for Bacolod citizens” kag I-click ang “click here to register”.
Sulatan ang Citizen Registration Form kag kun matapos na, iclick ang register.
I-print out ang BaCTrac card nga may QR Code apang kun cellphone naman ang ginagamit, pwede ini iscreenshot kag I-save.
Samtang, suno sa city administrator, kun wala naman sang ikasarang nga magparegister bangud wala sang gadget ukon internet, sarang gid makapadulong sa mga barangay hall agud magpa-register kag didto na mismo magpa-print sang BaCTrac card.
Nahibaluan nga una ini gingamit sang South Cotabato government kag nakita nga nangin epektibo ini nga paagi para sa contact tracing.
Nahibaluan nga dapat sa Oktubre 12, may yara na sang BaCTrac card ang tanan agud nga makasulod sa mga mall ukon establisyemento sa ciudad sang Bacolod.
Gina-abisuhan man ang business kag government establishments nga mag-install sa Google Store sang CCTS-LOGGER nga application.
Amo ini ang pagagamiton para I-scan ang QR code sang tawo nga magasulod sa amo nga building.
