Gin-athag sang Bacolod City Administrator nga wala gindula ang fountain sa Bacolod City Government Center.
Sa interview kay Dr. Lucille Gelvolea, ginadihon na sang Tourism Infrastructure and Enterprise Zone Authority (TIEZA) ang mga kinahanglanon antes nga maumpisahan ang improvements sang Bacolod public plaza kag sa fountain sa Bacolod City Government Center (BCGC).
Suno kay Gelvolea, indi man kinahanglan nga siraduhon ang Bacolod City Public Plaza bangud indi man maapektuhan ang mga vendors sa construction bangud sentro lamang sang plaza ang kay-uhon.
Wala man gindula ang fountain sa BCGC bangud ini ang nalakip na sa bidding apang sa karun ang TIEZA ang nagahulat pa sang certificate nagikan sa Department of Environment and Natural Resources (DENR).
Nahibaluan nga ang TIEZA ang nagpain sang P300 million para sa improvements sang duha ka sites kun sa diin sa total amount P80 million ang ginpain para sa pagpanami sang fountains, comfort rooms kag iban nga pasilidad samtang P220 million naman para sa BCGC fountain.
