Ginkilala ang ciudad sang Bacolod bilang Best Performing Local Government Unit-city category sa bilog nga Region 6 sa ginpatigayon nga 2019 Excellence in Local Governance Awards (EXCELL) sang Department of the Interior and Local Government (DILG) sang nagligad nga Disyembre 3.
Nakuha naman sang Passi City, Iloilo ang first runner-up samtang ang San Carlos City, Negros Occidental naman ang second runner-up.
Nakuha man sang ciudad sang Bacolod ang tatlo sa lima ka mga special awards.
Ini amo ang Excellence in Local Legislation, Excellence in Administrative Governance kag Excellence in Governance.
Ang mga kwalipikado sa EXCELL awards amo ang lima ka mga ciudad sa Western Visayas nga nakapasar sa 2019 Seal of Good Local Governance (SGLG) awards.
Si DILG Bacolod City director Ma. Joy Maredith Madayag ang nagkuha sang awards para sa ciudad bangud wala nakapadulong sa Iloilo City si Mayor Evelio Leonardia bangud kay Bagyo Tisoy.
Suno kay Madayag, indi dapat pagpasugtan sang Bacoliod nga maagaw sang iban nga Local Government Unit (LGU) ang pasidungog nga ginhatag sa ciudad.
Samtang, suno naman sa alkalde, ang 2019 ang isa ka exceptional year para sa Bacolod bangud sa nagkalain-lain nga awards nga nabaton sang ciudad.
Nagapasalamat naman si Leonardia kay Vice Mayor El Cid Familiaran, Cong. Greg Gasataya, miyembro sang city council subong man sa mga empleyado sang ciudad.
Nagapati si Vice Mayor El Cid Familiaran nga bangud sa maayo nga collaboration sang congressional, legislative kag executive offices kun ngaa madamo sang award ang nagakabaton sang Bacolod City subong nga tuig.
Nahibaluan nga ginkilala ang Bacolod bilang Best Performing Local Government Unit-city category sa Western Visayas sa ginpatigayon nga 2019 Excellence in Local Governance Awards (EXCELL) sang Department of the Interior and Local Government (DILG) sang nagligad nga Disyembre 3.
Nakuha naman sang Passi City, Iloilo ang first runner-up samtang ang San Carlos City, Negros Occidental naman ang second runner-up.
Suno kay Familiaran, napuno sang ‘blessings’ ang tuig 2019 para sa Bacolod.
Samtang, tuman naman ang kalipay ni Bacolod City Lone District Congressman Greg Gasataya sa bag-o nga award nga nabaton sang ciudad.
Suno diri, nagapakita lamang ini sang maayo nga liderato ni Mayor Evelio “Bing” Leonardia sa bulig sang mga opisyal sang ciudad.
Suno kay Gasataya, pagpanghangkat karon sa Bacolod amo ang kun paano madepensahan ang award sa masunod nga tuig.
