Indi pabor si Bacolod City Lone District Congressman Alfredo “Albee” Benitez sa impeachment complaint batok kay President Ferdinand Marcos Jr.
Nahibaluan nga nabaton na sang Office of the Secretary General sang Kamara kahapon ang ikaduha nga impeachment complaint nga ginpasaka sang Makabayan Bloc batok sa presidente.
Pahayag ni Benitez, wala sang nakaigo nga basehan ang amo nga impeachment complaint gani nagapati siya nga indi ini mag-prosper.
Ginpahayag ni Benitez nga importante nga ang tanan nga isyu sa pungsod ang mahatagan sang pagtamod sa husto nga paagi, apang kwestyon sini kun ano gid ang mabulig sang impeachment complaint sa gobyerno kag sa pungsod.
Paathag sang Kongresista nga mas nagakaangay nga tutukan sang pamunuan ang pag-address sang mga isyu nga may direkta nga mabulig sa publiko.
