Natalana nga magakitaay ang pinuno sang Committee on Transportation sa Sangguniang Panlungsod sa ciudad sang Bacolod kag lider sang Negros Panay United Transport Group sa Hwebes, Pebrero 20.
Suno sa pahayag ni Bacolod City Councilor Al Victor Espino, naestorya sini sang tinalikdan ang local counterpart sang nasambit nga transport group nga magatalana ini sang petsa agud nga sila ang makaestoryahanay.
Suno sa konsehal sa Hwebes, lunch time na sila magakitaay ni Wareen Jayson Gangoso, chairman sang Negros Panay United Transport Group.
Madumduman nga nangin controversial ang tension sa tunga sang lider sang Negros Panay United Transport Group kag ni Bacolod City Councilor Al Victor Espino matapos magpagwa sang statement si Bacolod Traffic Authority Office (BTAO) Hea d Patrick Leonard Lacson nga sila ang dakpon sa pagtakop sang Business One Stop Shop sa Bacolod City Government Center para sa paggawad sang business permit nga natapos sang Pebrero 15.
Suno kay Espino, sang tinalikdan nga session sa City Councilor nagpasa sang proposal si Councilor Renecito Novero kag siya ang nagcounterpart man nga nagahingyo sa national agencies nga mahatagan sang kahigayunan ang wala nagpaconsolidate para sa jeepney modernization program nga makabiyahe.
Suno kay Espino sulit sulit na nga nagahimo sang resolusyon ang Sangguniang Panlungsod sa ciudad sang Bacolod agud nga mabuligan ang pagpanawagan sang traditional jeepneys.
Wala pa mahibaluan ang agenda sa pagkitaay ni Espino kag lider sang nasambit nga transport group apang suno diri ipaathagan niya ini nga dapat indi pag imisdirect sang mga ini ang ila nga miyembro.
