Ginkumpirmar sang bise alkalde sa ciudad sang Bacolod ang suspension ni Bacolod City Councilor Al Victor Espino paagi sa communication nga ginpadala sa iya sang opisina sang Department of the Interior and Local Government (DILG)-Bacolod.
Sa interview sang Bombo Radyo Bacolod kay Vice Mayor Kalaw Puentevella, ginkumpirmar verbally ni DILG Bacolod Head Christopher Nagaynay nga ginsuspend sang Ombudsman si Espino sang anum ka bulan.
Suno kay Puentevella, wala pa man sila sang official documents nga nabaton angot sa pagsuspend kay Espino.
Temporaryo man nga ginbutang si Councilor Jude Thadeus Sayson bilang floor leader.
Sa karun wala pa sangk kumpirmado nga impormasyon sa rason sang pagsuspender sa nasambit nga konsehal.
Apang ang mga nagagwa nga impormasyon amo nga ang suspension ang bangud sa kaso nga ginpasaka batok kay Espino.
