Nagapati si former Bacolod City Councilor Ricardo “Cano” Tan nga may luyag lamang nga mangguba sa iya gani ila ginpahayag nga nakakas lang sa drugs watchlist ang pangalan sini bangod sa nagahilapit ang eleksyon kag ginbayaran sini si Presidente Rodrigo Duterte.
Suno kay Tan, nga wala siya nakasugilanon kay Duterte, bangod kay Senator Bong Go lang ini naka-atubang.
Suno sa anay konsehal, sintido common na dapat nga mahangpan nga indi sini sarang mabayaran ang Presidente, indi mabayaran ang DILG nga nag-issue sang sertipikasyon kag ang Regional Director sang Philippine National Police (PNP) gani indi mapatihan ang pato-pato.
Ginpahayag man sang anay konsehal nga kadungan sang pagpaggwa sang statement ni Presidente Rodrigo Duterte nga magaretiro na sa public office, amo man sang ginbaton sang anay konsehal ang offer nga mangin lone district chairman sa Aksyon Democratiko sa syudad sang Bacolod.
Nagapati ini nga luyag siya nga gub-on mahimo bangod sa iya nga mga adbokasiya humalin pa sadto nga good governance kag anti-corruption kasubong man ang slogan sini nga proteksyunan ang pigado.
Suno diri, mahimo nga wala na sang mahaboy sa iya nga isyu bangod matinlo ang iya pangalan, kag indi ini kawatan kadungan pa sa pagbuhat sini sa iya nga ginahambal, rasun agud ini ang mangin 3-time City Official.
Samtang wala man ini nagapati nga maangot pa ang pagsuksok sini sang pink sa kandidatura ni Vice President Leni Robredo bangod humalin pa sadto nakahibalo na ang Bacolod nga nagasuksok na ini sang pink.
Paathag sang anay konsehal nga humalin pa sang pagfile niya sang Certificate of Candidacy kag paglibot sa mga barangay trademark na sini ang kolor nga pink kag panindugan sini nga indi bangod supporter ini ni Robredo.
