Interesado si Bacolod City Councilor-elect Em Ang nga mangin chairman sang Committee on Health sa Sangguniang Panlungsod.
Sa interview sang Bombo Radyo kay Ang, sa Hulyo 6 pa magakitaay ang mga opisyales sang Bacolod nga nagdaog sa Eleksyon.
Suno sa iya, luyag sini kuntani nga mangin chairman sang Committee on Health sa SP apang kun indi ini mahatag sa iya, wala man sang problema.
Suno diri, luyag sini sa Committee on Health bangud sa iya man background kag training bilang isa ka nurse.
Suno sa elected councilor, mangin sa bahin sang legislation, may eksperyensya na ini sa pagpamuno sang nasambit nga komitiba kasubong man ang role sini sa pandemic management kun sa diin nakatrabaho sini ang mga health professionals kag mga health experts.
Suno sa iya, magapabilin nga grounded sa iya mga prinsipyo kag himuon ang iya masarangan agud makaserbi sa mga Bacolodnon sa pinakamaayo nga pamaagi.
Gindugang man sini nga siya ang magafocus sa iya direksyon apisar kun ano man nga komitiba ang igahatag sa iya.
Suno pa kay Ang, kun may makit-an ini nga kinahanglanon sa committee sang iban, sarang man ini sa gihapon nga makapropose sang ordinansa.
Antes nangin city coordinator, si Ang ang nangin chairman sang Committee on Health, Committee on Tourism kag Committee on Social Services sa Sangguniang Panlungsod.
