Igalubong na sa masunod nga Huwebes, Hulyo 8, si Bacolod City Councilor Elmer Sy nga nagtaliwan sang Hunyo 25.
Kadungan sang tribute nga ginhatag sang Bacolod City officials sa konsehal kahapon, nagpasalamat ang anak sini nga si Pao sa ciudad sa ginhatag nga tion sang Sangguniang Panlungsod kun sa diin isa ka resolusyon ang ginpasar agud kilalahon ang kontribusyon sang anay opisyal.
Suno kay Pao, hipuson ang iya amay apang nagatrabaho ini sang maayo kag may pag-ulikid sa mga pigado.
Santo sa resolusyon, si Sy ang isa sa pinakamalawig nga nagserbe bilang SP member sa Bacolod nga nagdangat sa 17 ka tuig humalin pa sang 1998 tubtob 2007.
Nangin chairman man ini sang duha ka komitiba sa City Council nga ginalakipan sang Committee on Public Works kag Committee on Fire, Natural Disasters and Calamities.
Suno kay Bacolod City Vice Mayor El Cid Familiaran, nagtrabaho si Sy nga humble pero may ikasarang, malinong pero efficient kag amat-amat lang pero segurado.
Nag-introduce man ini, nag-author kag co-author sang pila ka mga ordinansa kag resolusyon sa syudad sang Bacolod.
Apisar sa nagaluya sini nga kondisyon sang ikaayong lawas, nagapabilin ini nga present sa kada SP session.
